ETERNAL SUNSHINE OF A SPOTLESS MIND

"MGA BUTETE AT KANAL at ANG BUHAY NA KARNABAL"

tara sabay ka sa panaginip ko.
ipikit ang iyong mata

at imulat ang kaluluwang gustong makawala.
babalik tayo sa iyong pagkabata.
sa tindahan ng champurado't lugaw sa aming harap,
kung saan nagsimula ang mga munting pangarap,
unti unting lagyan ng gatas at asukal
ang tsokolateng ubod ng sarap,
kung saan ang mga langgam ay nais na humiga at mangarap,
tanda mo pa ba ang nakakatamad na araw ng linggo,
kung saan napapanood mo sa telebisyon ang iyong mga paboritong superhero.
shaider, batman, bio-man, machine man, mask-rider,ultimate warior, under taker,
at kung sino pa mang taong utak gulaman.
naalala mo ba ang makulit mong imahinasyon,
ang mga kalaro mong amoy baktol,
ang mga pinsan mong itinuring mong mga utol,
at ang ninong mong ibinurol.
saya at pait na nadarama sa bawat umaga,
lasap na lasap ang fruit juice at cheese bread na almusal sa harap ng kanal.
mga buteteng pinagprapraktisang hulihin ng walis tingting na kinuha sa kapitbahay ng lola mong si Pining.
tanda mo pa ba ang mainit na goma.
ang balat mong unti unting kinukuha ng jeepney driver na tatanga tanga.
dugo!
dugo!
Diyos ko po!
bit-bit ang apong dadalhin sa ospital,
tila birheng maria na daladala ang nakalupapay na katawan ni Hesu Kristo ang aking mahal na lola.
sakay sakay ng jeep na muntik ng nakawin ang aking buhay.
tatay!
nanay!
unti unting kinuha ang aking itay
ng gamot ng dyablong nakaplastik ang sungay.
gapang,
gapang,
ang batang muling bumalik sa pagka-sangol,
at ang mga bendang nagkakabuhol buhol.
lakad,
lakad,
tumindig at abutin ang iyong mga pangarap,
nasan na ang aking alahas,
ang sabi ng aking inay,
ngunit sa sanglaan na pala ito naghihintay.
magulong buhay ang unti unting hinarap
ng aking utol na maganda sana ang pangarap,
kuya!
pssst!
kuya!
pssst!
paulit ulit na sigaw sa bintana nakaharap,
minamalat na ang boses kakatawag,
bata,
bata,
idilat mo sandali ang iyong mga mata,
ano ba ang iyong nakikita?
ano ba ang iyong nadarama?
mga alaala ng pagkabatang inaalikabok,
mulit muling inaalala sa isang sulok.
bata,
bata,
ipikit mo nang muli ang iyong mga mata.
wala ka na muling makikita.
didilim ang paligid
at makakatulog at mananaginip.
gigising kang nakahiga sa mga ulap.
at makakabalik sa pagkabatang
iyong pinapangarap.

"Brownout"

Maliwanag ang ilaw sa kisame ng hapagkainan
mga putaheng tamang-tama sa paparating na kadiliman
alas diyes ng gabi nawalan ng buhay ang mga bumbilya ng mga bahay
dilim na kumalat na parang apoy sa mga kapitbahay

wala ng buhay ang mga alitaptap
tanging mahinang sinag ng buwan nalang ang umaalab
lamig ng hating gabi biglang dumampi,
sa katawa'y kumalat bigla ang hapdi

teleponong natutulog sa isang sulok,
sa kwartong unti unting nabubulok,
ginaw ng hanging pumasok sa aking pandinig
ang lumang sigaw ng aking dibdib.

ikaw ang pagibig at ang sakit ay iisa,
araw-araw na lumutang sa balon ng aking pagiisa.
paulit ulit na iniigib ng pusong manhid at sugatan,
hangang kailan kaya lulutang sa kalawakan?

mata kong pilit na ipinipikit,
sa bawat salitang iyong binibitbit,
tila kutsilyong itinatarak sa aking lalamunan
ang kahapon nating bigla mo nalang kinalimutan.

ikaw ang dugo na umaagos sa aking pagkamatay,
ikaw rin ang dugong nagbibigay sa akin ng buhay,
araw araw akong mamamatay
sa lantang rosas na iyong inalay.

"TULA ng TULALA"

Mababaw ka sa paningin ng iba,
ngunit sa kababawan mo lahat nagsisimula,

damdaming isinusulat mula sa tinta ng dugo mong
umiikot sa pagkatao kong naghihikahos,
tintang habangbuhay na hindi nauubos.

lumang talata,
mga kwento ng pagkabata,
lumang pagibig,
sa kaluluwa koy yumayanig.

Mababaw ka sa paningin ng iba,
ngunit sa kababawan mo natuto akong malunod sa luha,
mga salitang umiikot sa aking isipan,

di malilimutan kailan man.

"Ommision"

pulling my hand towards me
the temptation seems so strong for me
i cant hold back
its too strong for me,

Voices in my head
pushIng me Nearer in to the Edge
2 stanzas and your still in my head
when will this temptation end,

Doing This while thingking of you,
THe feeliNG and THe spIrit bursting in this silence
But yOUR presence is still in Absence
in This dimension Of doubts and regrets

ommiting this sin
now i see the bliss
commiting this sin
now im falling in to this abyss

i Feel so Exhausted,
i Feel so Depleted,
Tommorow i will forget this ,
but now im beginning regret this

as i lay my head in this messy bed
while trying to find the most familiar constelations above my head,
i see this three stars lined up,
seems like this wasn't a coincidence

pulling my hand away from me
the temptation is now weak for me
ill sleep before the morning wakes
and still see the sun burning,

"AKALA"

kay tagal kitang hinintay
para sa pangalawang pagkakataon ay di na magkahiwalay
tiniis kong isipin na masaya kayo habang kasama nya
pinigil ang luhang papatak na sana

ng bigla kang dumaating
at ipinagtapat sakin
na akoy mahal parin

mga matay biglang nagtubig
sa di inaasahang pagbabalik
di na nagisip
at naging tayo muli

ngunit bakit ganon
kala ko'y ito na ang panahon
pero sa pangalawang pagkakataon
malulunod nanaman sa pagkaka-ahon

ayoko na
sawa nako
di na muli magpapaloko
di na muling maniniwala
di na aasa na maging tayo uli

inipon kong pagibig na sa wala lang nauwi...

"FRAGILE"

glass is fragile
and so are you
tried all that i can
but it seems that you always

cant comprehend all the words

i sincerely said

glass is broken
and so are we
tried all that i can
to bring the pieces back
sharp edges cut these wounds deeper
blood rushes faster like my heartbeat
and now theres no more space to breathe

all those memories turned to
shattered pieces,

a reflection of a million me,

oh when...

oh when...

will i be free?

Break the glass

im in grave

emergency.

"Problema"

unang patak ng di inaasahang pag-ulan
bilyon-bilyong luhang pinakakawalan
ng kalangitan.
sa gitna ng matinding sikat ng nakakabulag
na liwanag,
tila isang panaginip na
hindi maaaring mangyari kailan man.

Sikaping tikman ang bawat iyak ng mga anghel,
tamis, pait, kasiyahan at kalungkutan
pinag isa upang ating makita't maramdaman,

Langit na sinakluban ng Bigat ng ulap,
Mga Bughaw na kahapong ngayo'y nasasapawan
ng kadiliman.
damadagundong,
umaalingaw-ngaw,
ang kulog at kidlat sa ating kalooban.

ngunit
matapos magalit ang langit,
matapos sumungit ang paligid,
matapos tumalikod ang daigdig,
matapos ang madamdaming pangyayari,

matutuyo ang mga luha,
tutubo ang isang bagong simula,
ngingiti muli ang langit
at magiiwan ng makulay na bahag hari.
lalago ang isang pakiramdam
na karapat dapat lamang
maramdaman ng buong sang katauhan,
kasiyahan.
ang pangarap ng kahit sino man.

"Anghel sa Lupa"

HIndi ka pa buo,

Hindi ka pa tao,

HIndi ka pa tapos,

ngunit nais ka na nilang matapos ang iyong

pagkatao.

ano bang kasalanan ng isang anghel?

bakit ka nakasabit sa buhay at kamatayan?

sanay lumawak ang kanilang isipan,

ano ba ang iyong kapalaran?

makita mo sana ang pangako ng bawat pagsikat ng araw,

marinig mo sana ang mga ibong humuhuni,

maramdaman mo sana ang agos ng tubig,

ang agos ng buhay...

matikman mo sana ang mga bagay na karapat dapat

lang sa iyo ibigay.

ramdam mo ang hapdi,

ramdam mo ang sakit,

ramdam mo ang mapapait na ngiti,

unti-unti kang lumulubog sa kanyang luhang patuloy

na umaagos.

wag kang bumitiw,

wag kang dumulas,

higpitan mo ang kapit

upang ikaw mailabas.

ikaw sana ang maging dahilan

upang mabuhay siya sa kaliwanagan,

ikaw ang rason ng Diyos

kung bakit nais niyang ipagpatuloy ang

pagikot ng mundo.

Posted by I am VN on Tuesday, June 06, 2006 at 7:57 PM | Permalink